Спорттук программа
Дүйнөлүк көчмөндөр оюндары
ДКOнун спорттук программасы этноспорттун жана элдик оюндардын мыкты салттарын бириктирип, аларды эл аралык деңгээлде көрсөтөт.
Мелдештердин негизги категориялары:
Дисциплиналардын толук тизмеси «Жобо» документинде жарыяланган
КАТЫШУУ ЖАНА КОМАНДАЛАР
- Ар бир өлкө, эгерде эрежелерде башкача каралбасаар бир спорт түрү боюнча бир гана команда көрсөтө алат.
- Делегациялардын курамы улуттук федерациялар, ассоциациялар же өлкөнүн ыйгарым укуктуу органдары тарабынан аныкталат.
- Кураманын курамы боюнча бирдиктүү чечим жок болгон учурда акыркы чечимди ДКОнун Секретариаты кабыл алат.
- Делегация мүчөлөрү парад үчүн бирдиктүү улуттук формага жана мелдештер үчүн спорттук формага ээ болууга тийиш.
Делегациялардын курамы боюнча деталдуу квоталар «Жобо» документинде жарыяланган
ЖАШ КУРАК ЧЕКТӨӨЛӨРҮ
- Негизги дисциплиналар — 18 жаштан.
- Интеллектуалдык оюндар — 14 жаштан.
- Ат чабыштар — 12 жаштан.
КООПСУЗДУК
- Уюштуруу комитети аянтчаларда жана жашоо жайларында коопсуздукту камсыздайт.
- Спортчулардын жана жаныбарлардын жеке коопсуздугу үчүн жоопкерчилик катышуучу өлкөлөрдүн командаларына жүктөлөт.
- Бардык катышуучулар өмүрүн жана ден соолугун камсыздандыруу полисине ээ болууга тийиш.
ВЕТЕРИНАРДЫК ЖАНА БАЖЫ ЭРЕЖЕЛЕРИ
Ат чабыштарга жана жаныбарлар менен аңчылык мелдештерине катышуу үчүн төмөнкү документтер талап кылынат:
- эмдөө белгилери коюлган ветеринардык паспорттор
- медициналык маалымкаттар
- идентификациялык номерлер (микрочиптер, аңчы куштар үчүн шакектер)
Бардык жол-жоболор ЕАЭБдин эрежелерине ылайык жүргүзүлөт (Бажы союзу комиссиясынын №317 чечими).
ЭРЕЖЕЛЕР ЖАНА КАЛЫСТЫК
- Мелдештер ДКОнун Уюштуруу комитети жана эл аралык федерациялар тарабынан бекитилген эрежелер боюнча өткөрүлөт.
- Калыстыкты Уюштуруу комитети тарабынан бекитилген улуттук жана эл аралык калыстар жүргүзөт.
- Талаш маселелер талаштуу кырдаал жаралгандан кийин 1 сааттын ичинде жазуу түрүндө протест берүү аркылуу чечилет (сүрөт жана видео материалдар тиркелиши керек).
МЕЛДЕШТЕРГЕ КАТЫШУУ ҮЧҮН ДОКУМЕНТТЕР
Команданын машыктыруучусу же жетекчиси мандаттык комиссияга төмөнкү документтерди тапшырууга милдеттүү:
- катышуучулардын паспорттору
- мелдешке катышууга уруксат берилген медициналык маалымкаттар
- кырсыктан камсыздандыруу полистери
Ат чабыштарга жана аңчылыкка катышуучулар үчүн кошумча:
- жаныбарлардын паспорттору жана маалымкаттары
- куштар менен иттердин идентификациялык документтери
Документтер текшерилгенден кийин комиссия команданы мелдешке катыштырууга уруксат берүү жөнүндө чечим кабыл алат.
