Фестиваль көчмөн элдердин маданий эс тутумун сактоого багытталган. Анда салттуу музыкалык мурас заманбап маданияттын көркөм, руханий жана интеллектуалдык өнүгүүсүнүн жандуу булагы катары каралат. «КӨЧМӨНДӨР САНАТЫ / НАСЛЕДИЕ КОЧЕВНИКОВ» аталышы көчмөн элдердин салттуу маданиятын жана мурасын, көркөм ой жүгүртүүсүн, философиясын жана алардын дүйнөлүк маданий мураска кошкон салымын концептуалдык жактан жалпылаштырып чагылдырат. Фестивалдын миссиясы салттуу маданиятты жана искусствону жайылтуу, ошондой эле аларды заманбап коомдук дискурска интеграциялоо болуп саналат.